Телевизэд мэдээлэл өгөв

Шүүхийн Тамгын газар нь 2017 оноос орон нутгийн “Говь HD” телевизтэй хамтран “Хууль бидний амьдралд” нэвтрүүлэг бэлтгэж олон нийтийн хүртээл болгож байгаа билээ.

Уг нэвтрүүлгийн 2020 оны 6, 7 дугаар дугаарт Өмнөговь аймаг дахь сум дундын иргэний хэргийн анхан шатны шүүхийн шүүгчийн туслах Ж.Мухлай, Өмнөговь аймаг дахь сум дундын иргэний хэргийн анхан шатны шүүхийн шүүх хуралдааны нарийн бичгийн дарга Ц.Анхбаяр нар оролцож “Давж заалдах шатны шүүхэд гомдол гаргах хугацаа, улсын тэмдэгтийн хураамж буцаан авах”, "Шүүх хуралдааны дэг баримтлах журам" сэдвүүдээр мэдээлэл хийж, сэтгүүлчдийн сонирхсон асуултад хариулт өглөө.

Энэхүү ярилцлага 2020 оны 06 дугаар сарын 16-ны өдрийн 21 цаг 30 минутаас “Говь HD” телевизээр олон нийтэд хүрнэ.

 “Говь” телевиз нь Юнивишн телевизийн 937, ДДЭШТВ-ийн 947, тоон системийн 3 дугаар сувгаар олон нийтэд хүрч байна.