ХАМТАРСАН УУЛЗАЛТ ЗОХИОН БАЙГУУЛАВ

    Шүүхийн Тамгын газраас “Шүүх, шүүгчийн аюулгүй байдлыг хангах журам”, “Яллагдагчийг хуяглан хүргэх, албадан ирүүлэх, эрэн сурвалжлах ажиллагаа явуулах журам” болон хамтран ажиллах төлөвлөгөөний хэрэгжилт, байгууллага хоорондын хамтын ажиллагааг сайжруулах зорилгоор цагдаагийн байгууллагатай хамтарсан уулзалтыг 2019 оны 3 дугаар сарын 27-ны өдөр шүүхийн байранд зохион байгуулав.

    Уулзалтад шүүхийн Тамгын газрын дарга, анхан болон давж заалдах шатны шүүхийн Ерөнхий шүүгч, шүүхийн зохион байгуулалт хариуцсан мэргэжилтэн нар болон Өмнөговь аймаг дахь цагдаагийн газрын Захиргааны удирдлагын тасгийн дарга, хошууч А.Төмөрмөнх, Нийтийн хэв журам хамгаалах тасгийн дарга, хошууч Ө.Батжаргал, хэв журам хариуцсан ахлах байцаагч, хошууч Ц.Эрдэнэбаатар, шүүхийн харуулын болон хамгаалалтын цагдаа нар оролцож, журмын болон хамтран ажиллах төлөвлөгөөний хэрэгжилт, алба хаагчдын сахилга, хариуцлага, эрэн сурвалжлах, албадан ирүүлэх ажиллагааны үр дүн бусад алдаа дутагдлыг сайжруулж хамтран ажиллах талаар нэгдсэн ойлголтод хүрч, цаашид тулгамдсан асуудлыг хамтран шийдвэрлэж байхаар тогтов.