Шүүхийн Тамгын газар нүүдэллэн ажиллав
Шүүхийн Тамгын газраас шүүхийн ил тод нээлттэй байдлыг ханган олон нийтэд шүүхийн үйлчилгээг ойртуулж, иргэдийн хууль эрх зүйн мэдлэгийг дээшлүүлэх, санал хүсэлт, өргөдөл гомдол, нэхэмжлэл хүлээн авах, эвлэрүүлэн зуучлах ажиллагааг газар дээр нь шийдвэрлэх болон 2019 онд харьяа сумуудаас сонгогдсон шүүхийн иргэдийн төлөөлөгч нарт сургалт мэдээлэл хийх зорилгоор 2019 оны 4 дүгээр сарын 09-өөс 11-ний өдрүүдэд Өмнөговь аймгийн Баяндалай, Булган, Номгон, Мандал-Овоо, Хүрмэн, Цогт-Овоо сумдад нүүдэллэн ажиллалаа.
Нүүдэллэн ажиллах үеэр 2019 онд дээрх сумдаас сонгогдсон шүүхийн иргэдийн төлөөлөгч болон бусад иргэдэд шүүх, шүүхийн Тамгын газрын үйл ажиллагаа, шүүхийн иргэдийн төлөөлөгч, шүүхийн эвлэрүүлэн зуучлах ажиллагаа, түүний үр дагавар, шүүхэд нэхэмжлэл гаргахад анхаарах зүйл, нэхэмжлэлийн бүрдүүлбэрийн талаарх сургалт мэдээллийг зохион байгуулсан.
Сургалт, мэдээллийг хөтөлбөрийн дагуу шүүхийн зохион байгуулалт хариуцсан мэргэжилтэн Б.Мөнхтүвшин, шүүгчийн туслах Н.Чулуунчимэг, Ж.Мухлай, Э.Ууганчимэг, эвлэрүүлэн зуучлагч Б.Дугармаа нар удирдан явуулж, сургалтад хамрагдсан иргэдийн сонирхсон асуултад хариулт өгч, бэлтгэсэн гарын авлага, зурагт танилцуулга, нугалбар хуудсаар ханган ажилласан.
Мөн иргэдэд шүүхийн үйлчилгээг ойртуулж, санал хүсэлт, өргөдөл гомдол, нэхэмжлэл хүлээн авах, нэхэмжлэл болон өргөдөл хэрхэн гаргах талаар зөвлөгөө өгөх, эвлэрүүлэн зуучлах ажиллагааг газар дээр нь шийдвэрлэх зэргээр ажиллаа.
