ЦАХИМААР ШҮҮХ ХУРАЛДААНД ОРОЛЦОХОД АНХААРАХ ЗҮЙЛС

Шүүхийн ерөнхий зөвлөлийн 2020 оны 11 дүгээр сарын 24-ний өдрийн 116 дугаар тогтоолоор гамшгаас хамгаалах өндөржүүлсэн болон бүх нийтийн бэлэн байдлын зэрэгт шилжүүлсэн үед дагаж мөрдөх Эрүү, Иргэн, Захиргааны хэргийн хөдөлгөөний түр аргачлалыг баталсны дагуу “Дуу, дүрсний төхөөрөмж ашиглан шүүх хуралдаанд оролцох заавар, анхаарах зүйлс”–ийг хүргэж байна.

1.  Цахим шүүх хуралдааныг ZOOM программыг ашиглан зохион байгуулна.

2.  ZOOM программ нь микрофон, камертай компьютер дээр хамгийн тохиромжтой.

3. Оролцогч хуралдаан нээлттэй бөгөөд шууд явагдаж байгааг анхаарч байх. Дууг хаагаагүй тохиолдолд таны ярьж буй бүхэн бусдад сонсогдох учир яриагүй үедээ дуугаа хаах.

4. Удаан ярих, эхэлж ярьсан зүйлс дамжуулагдах хүртэл хүлээх. Техник учир саатал гарах эрсдэлтэй.

5. Бусад оролцогчдыг ярьж байхад саад болохгүй байх.

6. Шүүх хуралдаан даргалагчаас шаардлага тавьсан бол гараа өргөх функцийг ашиглах.

7. Хэрэв өмгөөлөгч үйлчлүүлэгчтэйгээ зөвлөх шаардлагатай гэж үзвэл хувийн чатаар холбогдох боломжийг хүсэх.

8. Олон төхөөрөмж нэгэн зэрэг ашиглах зэргээр аудио чичиргээ үүсэж болзошгүй тул энэ талаар анхаарах.

9. Орчуулагч, хэлмэрч оролцож байгаа тохиолдолд орчуулга хийх, хэлмэрчлэх хугацааг олгох.

10. Олон оролцогч байгаа үед gallery view буюу бүх оролцогчийг дэлгэцэд гаргаж, хэн ярьж байгаа нь тодордог тохиргоог сонгох.

11. Хуралдааны үед таны танилцуулах эсхүл үндэслэл болгох бүхий л баримтыг шүүхэд өмнө илгээсэн байх.

12. Шүүх хуралдааны дэг цахим хуралдаанд ч нэгэн адил үйлчлэх тул шүүхийг хүндэтгэж оролцоно. Гэхдээ шүүх хуралдааныг эхлэх, шийдвэр сонсгохоос бусад үед заавал босох шаардлагагүй.

13. Ярьж эхлэх бүрдээ өөрийн нэрээ хэлэх.

14. Зохих хэмжээнд хувцас болон харилцааны хувьд албаны байдалтай байх.

15. Шүүх хуралдааны танхимд байгаатай нэгэн адилаар зөвшөөрөөгүй тохиолдолд бичлэг хийх хориотой. Нарийн бичгийн дарга дуу-дүрс бичлэг хийхийг анхаарна уу.

ӨМНӨГОВЬ АЙМАГ ДАХЬ ШҮҮХИЙН ТАМГЫН ГАЗАР