ТӨРИЙН ЖИНХЭНЭ АЛБАН ХААГЧИЙН ТАНГАРАГ ӨРГӨХ ЁСЛОЛ БОЛЛОО

Төрийн албаны зөвлөлийн Шүүхийн ерөнхий зөвлөлийн дэргэдэх Салбар зөвлөлөөс өнөөдөр Төрийн жинхэнэ албан хаагчийн тангараг өргөх ёслолын арга хэмжээ зохион байгууллаа. Энэхүү ёслолын ажиллагаанд Шүүхийн ерөнхий зөвлөлийн дарга, доктор, профессор Д.Зүмбэрэллхам, Төрийн албаны зөвлөлийн Шүүхийн ерөнхий зөвлөлийн дэргэдэх салбар зөвлөлийн дарга, гишүүд оролцов.

Төрийн албаны зохих шаардлагыг хангасан шүүхийн захиргааны 37 албан хаагч өнөөдөр Төрийн жинхэнэ албан хаагчийн тангараг өргөлөө. Тус арга хэмжээнд шүүхийн захиргааны 10 албан хаагч биечлэн оролцсон бол 27 албан хаагч цахимаар оролцсон юм.

Тангараг өргөсөн шүүх хуралдааны нарийн бичгийн дарга А.Ариунаадаа баяр хүргэж, амжилт хүслээ. 

Тангараг өргөх ёслолын ажиллагаа дурсгалын зураг татуулснаар өндөрлөв.