СУРАГЧДАД ШҮҮХИЙН ҮЙЛ АЖИЛЛАГААГ ТАНИЛЦУУЛАВ

Өмнөговь аймаг дахь шүүхийн Тамгын газраас сурагчдын мэргэжил сонголтод туслах, гэмт хэрэг, зөрчлөөс урьдчилан сэргийлэх зорилгоор аймгийн Ерөнхий боловсролын сургуулийн төгсөх ангийн сурагчидтай 2024 оны 01 дүгээр сарын 16-ны өдөр уулзалт зохион байгуулж, шүүхийн үйл ажиллагааг танилцууллаа.

Дээрх үйл ажиллагаанд Өмнөговь аймаг дахь сум дундын эрүүгийн хэргийн анхан шатны шүүхийн шүүх хуралд оролцож, шүүгч Э.Оюун-эрдэнэ, шүүхийн Тамгын газрын дарга Ц.Мөнгөнцоож, Өмнөговь аймгийн ерөнхий боловсролын 3 дугаар сургуулийн нийгмийн ухааны багш Ж.Оюунцэцэг болон 12 дугаар ангийн сурагчид ажил мэргэжлийн онцлог, мэргэжил сонголтын талаар чөлөөт ярилцлагыг өрнүүлэв.