СУРАГЧИД ШҮҮХИЙН ҮЙЛ АЖИЛЛАГААТАЙ ТАНИЛЦАВ

Өмнөговь аймгийн Ерөнхий боловсролын 3 дугаар сургуулийн 11 дүгээр ангийн сурагчид 2024 оны 10 дугаар сарын 30-ны өдөр шүүхийн үйл ажиллагаатай танилцан, шүүгч, ажилтнуудтай чөлөөт ярилцлага хийлээ.

Дээрх үйл ажиллагаанд Өмнөговь аймгийн Эрүү, Иргэний хэргийн давж заалдах шатны шүүхийн Ерөнхий шүүгч Т.Дэлгэрмаа, шүүгч Х.Гэрэлмаа, Л.Угтахбаяр, шүүхийн үйлчилгээний хэлтсийн дарга Б.Мөнхтүвшин нар оролцож, сурагчдын мэргэжил сонголтод туслах, гэмт хэрэг, зөрчлөөс урьдчилан сэргийлэх зорилгоор шүүхийн үйл ажиллагаагаа танилцуулан, ажил мэргэжлийн онцлог, мэргэжил сонголтын талаар чөлөөт ярилцлагыг өрнүүлэв.